मोरङ/ आज मोरङ जिल्लाको पथरी-शनिश्चरे -३ स्थित सेवारो चौकमा एकदिने मंगोल राष्ट्रवाद प्रशिक्षण सम्पन्न भएको छ । कार्यक्रममा पथरी शनिश्चरे नगर अध्यक्ष टेकबहादुर मगरको सभाध्यक्षता रहेको थियो भने संगठनका केन्द्रिय सदस्य सुरज फोम्बो लिम्बुको प्रमुख अतिथ्यता रहेको थियो । त्यस्तै बिशिष्ट अतिथिहरूमा, मोरङ जिल्ला सभाको अध्यक्ष बिकेन वान्तवा राई, सचिव धनराज लिम्बु, जिल्ला सदस्य डम्बर बल तामाङ र सुनसरी जिल्ला सह-सचिव श्रीया तमु गुरूङ थिए । यसैगरी कार्यक्रममा पथरी सनिश्चरे नगर सभाको सदस्य नर बहादुर विश्वकर्माको पनि उपस्थिति रहेको थियो । कार्यक्रम पथरी-शनिश्चरे नगर सचिव बिक्रम फेम्बु लिम्बुले सञ्चालन गरेका थिए । सेवारो चौकका स्थानीय मूलवासी मंगोलहरु माझ प्रमुख अतिथि फोम्बोले मंगोल राष्ट्रवाद सम्बन्धि प्रशिक्षण प्रदान गर्नु भएको थियो ।