पाल्पा / मंगोल नेशनल अर्गनाइजेशन माथागाडी गाउँपालिका वडा नं . २ र ३ को संयुक्त आयोजनामा मंगोल नेशनल अर्गनाइजेशनका फाउण्डर प्रेसिडेन्ट युग पुरुष अमर डा . गोपाल गुरुङ ज्युको चौथो वार्षिक स्मृती सभा सम्पन्न भएको छ । संसारभर फैलिएको कोरोना भाइरस कोभिड -१९ का कारण भएको लकडाउनका कारण उक्त कार्यक्रम अनौपचारिक रुपमा भएको थियो ।उक्त कार्यक्रममा जिल्ला सभा पाल्पाका सदस्य कुष्ण गाहा, जिल्ला सभा पाल्पाका सल्लाहकार मन बहादुर दर्लामी र फर्स बराल, माथागढी गाउँ सभाका सदस्यहरु, वडा नं . २ र ३ सभाका सदस्यहरुको उपस्थिती रहेको थियो । कार्यक्रममा उपस्थित सम्पुर्णले युग पुरुष डा . गोपाल गुरुङ ज्यु र सिदाह बुद्धको सम्झनामा १ मिनेट मौनधारण गर्नुका साथै दिप प्रज्वलन गरि वहाँहरुको फोटोमा खदा र फुल अर्पण गरेका थिए ।