नुवाकोट/ मंगोल नेशनल अर्गनाइजेशन म्यागङ गाउँपालिका सभाको आयोजनामा 22 फेब्रुअरी का दिन तार्केश्वर गाउँपालिका वडा नम्बर एक दाङ्सिङ स्थित म्हेन्दोमाया क्लबको सभा हलमा केन्द्रिय सदस्य कासिमा तामाङको प्रमुख आतिथ्यतामा एक दिने प्रशिक्षण साथै तार्केश्वर एक दाङसिङ तदर्थ वडा सभा गठन भएको छ ।

     उक्त कार्यक्रममा विशेष अतिथी जिल्लासभाको सचिब प्रदिक्षा तामाङले आधारभुत प्रशिक्षण सँगै सम्पुर्ण मुलबासी मंगोलहरुलाइ निर्भीक र निडर भएर अब एमएनओलाई आत्मसात गर्नुपर्ने बताउनु भएको थियो । त्यसैगरि अतिथी जिल्ला सभाको बरिस्ठ सदस्य मम्बिल तामाङले बाहुन क्षेत्रीको राजनीतिक दलको हनुमान बन्न छोडेर अब मुलबासी मंगोलहरुले मुलघर एमएनओमै आबद्ध हुनु बाहेक अन्य उपाय नभएको स्पष्ट पार्न भयो । कार्यक्रममा जिल्ला सभाको सदस्य उमा तामाङ म्यागङ पालिका अध्यक्ष सन्त बहादुर तामाङ, सदस्य एस पी दोङ, बेलकोटगडी नगरपालिका प्रतिनिधि बिनोद घलान लगायत मुलबासी मंगोलहरुको उल्लेखनीय उपस्तिथि रहेको थियो ।