मंगोल नेशनल अर्गनाईजेशनद्वारा ब्रिक्स समर्थन र एक चीन नीतिमा स्पष्ट अडान।

काठमाडौँ, 25 March 2025 – आज राजधानीको गोकर्णेश्वर -८, ओइसिस पार्टी प्यालेसमा एमएनओ बागमती प्रान्तिय सभाको आयोजनामा सम्पन्न भएको निर्वाचन समीक्षा कार्यक्रममा पत्रकार सम्मेलन गरी संगठनका मुलसचिव सन्तोष तामाङले राष्ट्रका सम्पूर्ण नागरिकहरुलाई सम्बोधन गर्दै , “ब्रिक्स जस्तो उदयमान अर्थतन्त्रहरूको मञ्चले विकासशील राष्ट्रहरूको हितमा काम गरिरहेको छ। नेपालको सन्दर्भमा पनि यसले आर्थिक सहकार्य र समृद्धिका नयाँ ढोका खोल्न सक्छ। साथै, हामी एक चीन सिद्धान्तको पूर्ण सम्मान गर्दछौं। चीनको क्षेत्रीय अखण्डता अटल छ र यसलाई कुनै पनि हालतमा उल्लङ्घन गर्नु हुँदैन।”

नेवालको एक मात्र वैकल्पिक राजनीतिक दल मंगोल नेशनल अर्गनाइजेशनले बहुध्रुवीय विश्व व्यवस्थाको पक्षधरको रूपमा ब्रिक्स (BRICS) समूहलाई खुला समर्थन जनाउँदै एक चीन नीतिमा आफ्नो अटल प्रतिबद्धता व्यक्त गरेको छ। संगठनले ताइवान, तिब्बत, सिङचियाङ र हङकङलाई चीनको अभिन्न अंग मान्ने स्पष्ट धारणा सार्वजनिक गरेको हो।

संगठनले यसअघि पनि नेपाल–चीन सम्बन्ध विस्तार, विभिन्न पूर्वाधार आयोजना तथा सांस्कृतिक आदानप्रदान कार्यक्रमहरूमा सक्रिय सहभागिता र समर्थन जनाउँदै आएको छ। चीन स्थित नेपाली दूतावास र चिनियाँ राजदूतावासले आयोजना गरेका विभिन्न कार्यक्रमहरूमा संगठनका संस्थापक प्रेसिडेण्ट महामानव ड.गोपाल गुरुङ ज्यूले उपस्थिति जनाउनु भएको थियो र चिनियाँ दूतावास बाट आमन्त्रित गरिएको  प्रमाणहरू झापा,मेचीनगर -२ स्थित रहेको मंगोल रिसर्च सेन्टरमा सुरक्षित छ।

राजनीतिक विश्लेषकहरूका अनुसार मंगोल नेशनल अर्गनाइजेशनले यो अभिव्यक्ति नेपालको मूलवासी मंगोल समुदायभित्रकोे बढ्दो भू–राजनीतिक चेतनाको सङ्केत हो। तर, नेपाल सरकारले भने लामो समयदेखि एमएनओ कोे वास्तविक कुराहरुलाई नजर अंदाज गरेर अन्य आफ्नो पक्षका निकायहरूलाई मात्रै औपचारिक रूपमा यस प्रकारको वैदेशिक नीतिगत धारणा राख्न स्वीकृति दिँदै आएको छ। यसैले, गैर–सरकारी स्तरको यो अभिव्यक्तिले भने नीतिगत तहमा केही छलफल सुरु गराउने अनुमान गरिएको छ।

अर्कोतर्फ, चिनियाँ राजदूतावासले भने हालसम्म यस विषयमा औपचारिक प्रतिक्रिया दिएको छैन। तर, नेपाल: स्थित कूटनीतिक स्रोतहरूका अनुसार यस प्रकारको समर्थनलाई बेइजिङले सकारात्मक रूपमा लिने सम्भावना रहेको छ।

नेपालको संविधानले परराष्ट्र नीतिका सन्दर्भमा गैर–पङ्क्तिबद्धता, संयुक्त राष्ट्र सङ्घको बडापत्रको सम्मान र दुई छिमेकी मित्र राष्ट्रहरूसँग समान दूरीको नीति अवलम्बन गर्ने उल्लेख गरेको छ। यस अवस्थामा कुनै सामुदायिक वा राजनीतिक संगठनले यसरी खुल्ला रूपमा कुनै एक देशको नीतिलाई समर्थन गरेको घटनाले स्वाभाविक रूपमा बहसको विषय बनेको छ।

मंगोल नेशनल अर्गनाईजेशनले भने यो समर्थन आफ्नो समुदायको अस्तित्व, आर्थिक, सांस्कृतिक र भौगोलिक हितसँग जोडिएको बताएका छन्। मंगोल नेशनल अर्गनाइजेशनले , नेपालका मूलवासी मंगोल समुदायहरूको विकासका लागि बहुध्रुवीय सहकार्य आवश्यक रहेको स्पष्ट धारणा राखेका छन्।

सम्बन्धित समचारकाे सामग्रीकाे लागी यहा क्लिक गर्नुहाेस् ।