Mongol Vision | 12 जूलाई 2020
नुवाकोट/ कोभिड-19 कोरोना भाइरसको संक्रमणले विश्व आक्रान्त भए संगै नेपाल सरकारले जारी गरेको लकडाउनको करिब करिब साढे 3 महिना पछि 11 जुलाइ 2020 का दिन मंगोल नेशनल अर्गनाइजेशन नुवाकोट जिल्ला अध्यक्ष चन्द्र लोप्चन तामाङको सभाध्यक्षता र संगठनको केन्द्रिय सदस्य कासिमा तामाङको प्रमुख आतिथ्यतामा मंगोल नेशनल अर्गनाइजेशन जिल्ला सभा नुवाकोटको नियमित बैठक विदुर स्थित आफ्नो कार्यलयमा बसेको छ । उक्त बैठकमा कोरोना कहरलाइ लिएर भयभीत भएका लोक समुदायहरु माझ कसरी जाने, रोग संग लड्न सक्ने आत्मबल कसरी प्रदान गर्ने र आफ्नो अभियानलाई पुनः कसरी अगाडी बढाउने भन्ने विविध विषयमा व्यापक छलफल भएको जिल्ला सचिव प्रदिक्षा वाइवाले बताईन । बैठकलाई सम्बोधन गर्नुहुँदै प्रमुख अतिथि कासिमा तामाङले जस्तोसुकै कठिन अवस्थामा पनि संगठनको कार्यलाई नरोकी, हतोत्साहित नबनी संयम र होसका साथ अगाडी बढाउनु पर्ने कुरा बताउनु भएको थियो । बैठकमा जिल्ला सदस्य लगायत विभिन्न नगर तथा गाउसभाका पदाधिकारीहरुको उपस्तिथि रहेको थियो भने उक्त बैठक सचिव प्रदिक्षा वाइवाले सञ्चालन गरेकी थिइन् ।
Copyright © 2020 Mongol Vision. All Rights Reserved.
Powered by : Dradtech Technology