mongolvision | 22 डिसेम्बर 2021
नुवाकोट/ मंगोल नेशनल अर्गनाइजेशन जिल्ला सभा नुवाकोटको आयोजनामा किस्पाङ गाउँपालिका वडा नं. १ भल्चेबेसीमा एकदिने मंगोलवाद सम्बन्धी प्रशिक्षण साथै वडा सभा गठन भएको छ । उक्त कार्यक्रम एम. एन. ओ. नुवाकोट जिल्ला अध्यक्ष प्रदिक्षा तामाङको सभाध्यक्षतामा एवं एम. एन. ओ. केन्द्रिय सदस्य कासिमा तामाङको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथि प्रथम बाग्मती प्रदेश अधिवेशन मुल आयोजक सभाका सदस्य दिलमान तामाङले उपस्थित लोक समुदायलाई मंगोल दर्शनको विषयमा प्रशिक्षित गराउनुभएको थियो । कार्यक्रमलाई सम्बोधन गर्ने क्रममा प्रमुख अतिथि तामाङले अबको समय आफ्नो हक, अधिकार र अस्तित्व प्राप्तिको निम्ति अन्तिम विकल्प भनेकै मंगोल नेशनल अर्गनाइजेशन हो भन्ने कुरा अवगत गराउनुभयो । उक्त कार्यक्रमकै बिच रानासिँ तामाङको अध्यक्षतामा १७ सदस्यीय किस्पाङ -१ वडा सभा गठन भएको छ । नवगठित पदाधिकारीलाई प्रदिक्षा तामाङले सपथ ग्रहण गराउनुभएको थियो भने जिल्ला सचिव उमा तामाङले सञ्चालन गरेकी थिइन ।
Copyright © 2020 Mongol Vision. All Rights Reserved.
Powered by : Dradtech Technology