नुवाकोटको म्यागङ गाउँसभा अधिवेशन सम्पन्न | 13 मार्च 2022
नुवाकोट / मंगोल नेशनल अर्गनाइजेशन म्यागङ गाउँसभाको दोस्रो ऐतिहासिक अधिवेशन सम्पन्न भएको छ ।
१२ मार्च २०२२ का दिन मुल आयोजक सभाको संयोजक सन्त बहादुर तामाङको सभाध्यक्षता एवं संगठनको केन्द्रिय बरिस्ठ सदस्य शान्तिलाल धिमालको प्रमुख आतिथ्यतामा म्यागङ गाउँपालिका वडा नं ३ स्थित देउरालीमा उक्त अधिवेशन सम्पन्न भएको हो।
कार्यक्रमलाई संबोधन गर्दै प्रमुख अतिथी धिमालले अब मंगोल नेशनल अर्गनाइजेशनले फल खाने समय आइसकेको र अबको आसन्न निर्वाचनहरुबाट जितेर सरकार बनाउने प्रतिबद्धता लिएर अगाडी बढ्न सम्पूर्ण नेता कार्यकर्ताहरुमा आह्वान गर्नुभयो । विशेष अतिथिहरु केन्द्रिय सर्वोच्च सभाको सदस्यहरु सान बहादुर मेचे र रिन्छेन तामाङ रहनुभएको थियो । त्यसैगरी अतिथिहरुमा केन्द्रीय सभाका सदस्यहरु कासिमा तामाङ, धनमाया तामाङ, बाग्मती प्रान्तीय सभाका सदस्यहरु दिलमान तामाङ, पुष्पा तामाङ ,चन्द्र तामाङ र जिल्लासभा नुवाकोटका पदाधिकारीहरुले नव निर्वाचित सभालाई शुभकामना मन्तव्य राखेका थिए ।
उक्त अधिवेशनबाट एस पी दोङको अध्यक्षतामा १७ सदस्यीय एम. एन. ओ. म्यागङ गाउँसभा गठन भएको छ । म्यागङबासीहरुको उल्लेख्य सहभागितामा सम्पन्न उक्त कार्यक्रम जिल्ला सचिव उमा तामाङले संचालन गरेकी थिइन ।
Copyright © 2020 Mongol Vision. All Rights Reserved.
Powered by : Dradtech Technology