नुवाकोट / मंगोल नेशनल अर्गनाइजेशन जिल्ला सभा नुवाकोटको आयोजनामा तादीगाउँ पालिकामा -१ स्थित ओख्रेमा एकदिने परिचयात्मक तथा प्रशिक्षण  कार्यक्रम सम्पन्न भएको छ । उक्त कार्यक्रम एम. एन. ओ. नुवाकोट जिल्ला अध्यक्ष प्रदिक्षा तामाङको सभाध्यक्षतामा एवं एम. एन. ओ. केन्द्रिय सदस्य कासिमा तामाङ ज्युको प्रमुख आतिथ्यतामा सम्पन्न भएको हो । कार्यक्रममा एम. एन. ओ. बाग्मती प्रदेश सभाका  सदस्य दिलमान तामाङले संगठन बारे प्रशिक्षण प्रदान गर्नुभएको थियो  । कार्यक्रमलाई सम्बोधन गर्ने क्रममा प्रमुख अतिथि तामाङले नेपालको राजनीतिमा मंगोल नेशनल अर्गनाइजेशनले खेलेको भुमिकाबारे प्रस्ट्याउनु भएको थियो । कार्यक्रमकै दौरानमा प्रकाश तामाङको अध्यक्षतामा ११ सदस्यीय तादी गाउँपालिका -१ वडा सभा गठन भएको छ । स्थानीय लोक समुदायहरुको सौहार्दपूर्ण उपस्थितिमा सम्पन्न उक्त कार्यक्रम  जिल्ला सभाको सचिव उमा तामाङले सञ्चालन गर्नुभएको थियो ।