नुवाकोट / मंगोल नेशनल अर्गनाइजेसन जिल्लासभा नुवाकोटद्वारा जिल्लासभाको कार्यालय बिदुर ९ कोलोनीमा  १५  अक्टोबरको दिन हिन्दु चाड दसैं बहिष्कार गरेको छ।
दसैं बहिष्कार कार्यक्रमलाई जिल्लासभाको अध्यक्ष प्रदिक्षा तामाङको सभाध्यक्षता र केन्द्रिय सदस्य कसिमा तामाङको प्रमुख आतिथ्यतामा सम्पन्न भएको थियो भने प्रमुख अतिथि तामाङले सबै लाई  कालो टीका लगाएर दसैंको वास्तविकताबारे प्रष्ट पार्नु भएको थियो ।
त्यसैगरि नुवाकोटको एम एन ओ ककनी गाउँपालिका सभा,म्यागङ ६ वडा सभा ,दाङसिङ वडा सभाहरुले पनि कालो टीका लगाएर औपचारिक रुपमा दसैं बहिष्कार गरेको छ। ककनी गाउँपालिकासभाले आयोजना गरेको दसैं बहिष्कार कार्यक्रमको प्रमुख अतिथी धनमाया तामाङले उपस्थित सम्पुर्ण अहिन्दु मुलबासी मंगोलहरुलाइ कालो टीका लगाइदिएर दसैं बहिष्कार गर्नुको कारण स्पष्ट पार्नु भएको थियो ।