झापा / मंगोल नेशनल अर्गनाइजेशन भद्रपुर नगरसभाले २ जनालाई नगर सदस्यमा नुयुक्त गरेको छ । 
            २२ जनवरी २०२२ तारिखका दिन बसेको बैठकले इश्वर मगर र चन्द्रीका लिम्बूलाई नगर सदस्यमा नियुक्त गरेको नगर सभाका अध्यक्ष रावण मंगोलले बताउनुभयो । मिटिङका प्रमुख अतिथि एम. एन. ओ. जिल्ला सदस्य जयेन मगरले नवनियुक्त सदस्यहरुलाई खदा लगाई सफल कार्यकालको शुभकामना व्यक्त गर्नुभएको थियो । विशिष्ट अतिथि जिल्ला सदस्य सुवास लिम्बूले पनि शुभकामना व्यक्त गर्नुभएको थियो । उक्त मिटिङकै अवसर पारेर बलीहाङ पर्वलाई सम्पन्न पार्न सहयोग गर्ने नृत्यकारहरुलाई नगरसभाले मंगोल टिसर्ट प्रदान गरेको छ । नगरसभाका सदस्यहरु लगायत भद्रपुर नगरसभाका मंगोल कलाकारहरुको उपस्थितिमा सम्पन्न उक्त मिटिङमा नगर सदस्य सनम तामाङले स्वागत मन्तव्य राख्नुभएको थियो भने नगर सभा सचिव रेवत मगरले सञ्चालन गरेका थिए ।