ओखलढुंगा / ओखलढुंगा जिल्ला अन्तर्गत पर्ने चम्पादेवी गाउँपालिकाको वडा नं. ७ मा एम. एन. ओ. को वडा सभा गठन भएको छ । 

८ मार्च मंगलबारका दिन स्थानीय मंगोल समर्थक  बम बहादुर तामाङको सभाअध्यक्षतामा एवं  एवं बजेन्द्र अम्बुलेको प्रमुख आतिथ्यतामा सम्पन्न एक कार्यक्रम विच उक्त वडा सभा गठन भएको हो । कार्यक्रममा बिशिष्ट अतिथि मानेभन्ज्याङ गाउँसभा अध्यक्ष बिर्ज बहादुर थापा मगर र लिखु गाउँसभा अध्यक्ष दावा शेर्पा रहनुभएको थियो । त्यसैगरी अतिथिमा प्रवास सभा भारतका पूर्वअध्यक्ष  मिता मोक्तान रहनुभएको थियो । 
कार्यक्रमलाई सम्बोधन गर्दै प्रमुख अतिथि अम्बुलेले अबको समय मूलबासी मंगोलहरुको हक, अधिकार र अस्तित्व प्राप्तिसंगै मुलुकको दिगो विकास र प्रगतिको निमित्त भाले चिन्हमा मतदान गर्न आव्हान गर्नुभयो । कार्यक्रमकै बिच बम बहादुर तामाङको अध्यक्षतामा ११ सदस्यीय एम. एन. ओ. चम्पादेवी-७ वडा सभा गठन भएको छ । उक्त कार्यक्रममा बिष्णु तामाङले स्वागत मन्तव्य राखेका थिए भने सुनकोशी गाउँसभा अध्यक्ष गंगा तामाडंले कार्यक्रम सञ्चालन गरेका थिए ।