Lassim Hang Mongol | 11 जनवरी 2019
काठमाडौं/ मंगोल नेशनल अर्गनाइजेशन जिल्ला सभा कास्कीले मिति २०७५ पौष २७ गतेका दिन पोखरा महानगर पालिकाको शहिद क्या.लखन थापा चौक स्थित रहेको राष्ट्रीय विभुती प्रथम शहिद क्या.लखन थापा मगरको प्रतिमुर्तिलाई अनादर गर्दै पृथ्वीनारायण शाहाको तस्वीर टाँगि राष्ट्रीय विभुतिको अपमान गरिएकोले विरोध जनाउँदै प्रेस विग्यप्ती गरेको छ ।
मंगोल नेशनल अर्गनाइजेशन जिल्ला सभा कास्कीको लेटर प्याडमा उल्लेखित सो प्रेस विग्यप्ती जिल्ला सभा अध्यक्ष रियाज गुरुङको हस्ताक्षरमा जारी गरिएको छ । निरंकुश जंहानिय राणा शासनको विरूद्धमा लोकतन्त्रको आवाज उठाउने क्रममा राणा शासकबाट शहिद क्या.लखन थापा मगरको हत्या गरिएको थियो । आज मुलुक लोकतान्त्रिक मार्गमा द्रुत गतिमा अघि बढिरहेको बेला एकताको प्रतिक भन्दै साम्राज्यवादी हत्यारा पृथ्वीनारायण शाहलाई राष्ट्र पिताको प्रतिक मनाउनु र यस प्रकारको अराजक गतिविधि माथी राज्यले संरक्षण गर्नु लोकतन्त्रको अस्तित्व माथी आँच आउने भएकोले जिल्ला सभा कास्कीले घोर भर्त्सना गरेको छ । साथै शहिद क्या.लखन थापा मगरको जिर्ण शालिक पुनःस्थापनाको लागी जिम्मा लिएका सम्बन्धित निकाय, संस्था पो.म.न.पा ले व्यवस्था गरिएको प्रती पनि जिल्ला सभा कास्कीले विशेष ध्यानाकर्षण गराएको छ ।
Copyright © 2020 Mongol Vision. All Rights Reserved.
Powered by : Dradtech Technology