गोरखा/ मंगोल नेशनल अर्गनाइजेशन पालुङटार नगर सभाका अध्यक्ष रिन्छेन लामा तामाङको सभाधक्ष्यतामा घरेडी खोलामा विभिन्न प्रस्तावहरु माथी छलफल गर्दै बसेको नियमित बैठकले तत्कालीन अत्यावश्यक प्रस्तावलाई निर्णय गर्दै पालुङटार नगर सभाको नियमित बैठक सम्पन्न भएको छ ।

    16 Feb ,2020 को बैठकमा पालुङटार नगर सभाको प्रथम ऐतिहासिक नगर अधिवेशन मितिबारे वृहत् छलफल पश्चात् आगामि मार्च १३ तारिखमा अधिवेशन गर्ने निर्णय भएको हो । बैठकमा गण्डकि प्रदेश सल्लाहकार महेन्द्र थापाको प्रमुख आतिथ्यत रहेको थियो भने अन्य अतिथिहरुमा एमएनओ गोरखा जिल्लाको तेस्रो ऐतिहासिक जिल्ला अधिवेशन मूलआयोजक सभाका सदस्यहरु प्रसाद गुरुङ र राम लामा हुनुहुन्थ्यो । बैठकले पुरानो सभालाइ विघटन गरि पुर्व अध्यक्ष रिन्छेन लामा तामङको संयोजकत्वमा 11 सदस्यीय मुलआयोजक सभा गठन गरेको छ ।

    अतिथिद्धय गुरुङ र लामाले शुभकामना मन्तव्य राख्नु हुँदै पालुङटार नगर सभाको प्रथम अधिवेशन सफलताको कामना गर्दै गोरखा जिल्ला अधिवेशन पनि सभ्य र भव्य रुपमा सफल पार्न हातमा हात मिलाएर अगाडी बढ्नुपर्ने बताए । साथै प्रमुख अतिथि थापाले गोरखामा मंगोलको लहर विस्तारै छाएको र मंगोललाई चोमोलोङमाको उचाइमा पुराउन अब सबै प्रकारका शक्ति ओझेल पर्ने बताउँदै पालुङटार नगरपालिका सभाको अधिवेशन सभ्य र भव्य रुपमा सफल पार्ने शुभकामना व्यक्त गर्नु भएको थियो । बैठक पालुङटार नगर सभाका सचिव देउ बहादुर तामाङले सन्चालन गरेका थिए ।