mongolvision | 15 नोभेम्बर 2021
फिदिम / पान्थरको फालेलुङ गाउँ पालिकामा मंगोल नेशनल अर्गनाइजेशनले मंगोलवाद सम्बन्धि प्रशिक्षण कार्यक्रम सम्पन्न गरेको छ ।
जिल्ला सभा पान्थरको संकृयतामा कात्तिक २५ गते फालेलुङ गाउँ पालिका वाड न ७ बिदेन बजारमा उक्त प्रशिक्षण कार्यक्रम सम्पन्न भएको हो । संगठनका केन्द्रीय सदस्य सान बहादुर मेचेको प्रमुख आतिथ्यतामा सम्पन्न भएको प्रशिक्षण कार्यक्रममा प्रमुख अतिथी मेचे र १ न प्रान्तीय सभाका सदस्य देब नारायण धिमालले संयुक्त रुपमा प्रशिक्षण प्रदान गर्नु भएको थियो । प्रशिक्षण प्रदान गर्ने क्रममा उहाहरुले मंगोलवाद के को र किन आवस्यक परेको बारेमा बताउनु भयो साथै एम एनओले के चाहन्छ भन्ने बारे पनि सहभागी हरु लाई प्रष्ट पार्नु भयो । कार्यक्रममा प्रान्तीय सभा सदस्य दिनेश चाम्लिङ , जिल्ला अध्यक्ष मौसम मगर , सल्लाहकार राम तुम्रुक लगायतले पनि आ आफ्नो भनाइ राख्नु भएको थियो ।
स्थानीय मनिराज राइको सभा अध्यक्षतामा सम्पन्न भएको प्रशिक्षण कार्यक्रममा बिदेन बजारका मुलबासी जनसमुदायहरुको उल्लेखनीय सहभागीता रहेको थियो ।
Copyright © 2020 Mongol Vision. All Rights Reserved.
Powered by : Dradtech Technology