पान्थर / मंगोल नेशनल अर्गनाइजेशन पान्थर जिल्ला सभाले आसन्न स्थानीय तहको चुनावलाई लक्षित गर्दै पान्थर जिल्लाको विभिन्न स्थानमा प्रचार्प्रसार साथै गठन कार्यक्रमलाई अगाडी बढाइरहेको छ । आसन्न स्थानीय तहको निर्वाचनलाई मध्यनजर गर्दै गणीतीय नतिजा हात पार्नको निमित्त व्यापक रुपमा प्रचार प्रसार भइरहेको जिल्ला अध्यक्ष राम कुमार तुम्रोकले बताउनुभयो । 
यसै क्रममा पान्थर जिल्ला सभा अध्यक्ष राम कुमार तुम्रोक र  कोषाध्यक्ष चन्द्र गुरुङ र सदस्य मनकुमार गुरुङको नेतृत्वमा 
पान्थर जिल्लाको फिदिम नगरपालिका वडा नं ५ स्थित चोकमाबुमा सम्पन्न एक कार्यक्रम बिच एम. एन. ओ. को वडा सभा गठन भएको छ । सुकराज तुम्बापोको अध्यक्षतामा २१सदस्यीय वडा सभा गठन भएको जिल्ला अध्यक्ष तुम्रोकले जानकारी गराउनुभयो ।