ताप्लेजुङ / मंगोल नेशनल अर्गनाइजेसन जिल्ला सभा ताप्लेजुङको आयोजनामा फुङ्लिङ्ग नगरपालीका स्थित तमु समाजको हलमा २५औं विश्व मुलवासी दिवस सम्पन्न भएको छ। मंगोल नेशनल अर्गनाइजेसन जिल्ला सभा ताप्लेजुङका अध्यक्ष बुद्धिमान पन्ठाक लिम्बुको अध्यक्षतामा सम्पन्न उक्त कार्य कार्यक्रममा प्रमुख अतिथि केन्द्रिय सभाका सदस्य छविन्द्रा गुरुङ रहनु भएको थियो ।

प्रमुख अतिथि गुरुङले हामी मंगोलहरु यो देशको असली मुलवासी भएको तर सानोतिनो पद र पैसाको प्रलोभनमा परी बाहुनक्षेत्रीको इसारामा हामिजस्तै देखिने हाम्रो दाजुभाइले भ्रमको राजनैतिक गरिरहेकोले अब वास्ताविक कुरा बुझ्नु पर्ने दिन आएको बताउनु भएको थियो । विभिन्न मनोरञ्जनात्मक साँस्कृतिक कार्यक्रम बीच सम्पन्न २५औं विश्व मुलवासी दिवसमा गणेश गुरुङले आफ्नो शुभकामना मन्त्यब्य राखेका थिए भने कार्यक्रम ताप्लेजुङ जिल्ला सभाका सचिव सिता लिम्बुले संचालन गरेकी थिइन ।