Mongol Vision | 10 सेप्टेम्बर 2021
झापा/ मंगोल नेशनल अर्गनाइजेशन प्रबास सभा कतारका पुर्ब अध्यक्ष अर्जुन स्याङ्बो तामाङ लाई अन्तिम श्रद्धाञ्जली प्रदान गरिएको छ । शुक्रबार संगठनका केन्द्रीय सदस्य सान बहादुर मेचेले एम एनओको झन्डा मृतक तामाङको पार्थिव शरीरमा ओडाइ अन्तिम श्रद्धाञ्जली प्रदान गर्नु भएको थियो । सो क्रममा १ मिनेट मौन धारण समेत गरिएको थियो ।
श्रद्धाञ्जली कार्यक्रममा संगठन केन्द्रीय प्रवक्ता एबम मंगोल भिजन साप्ताहिकका सम्पादक दिलिप धिमाल , केन्द्रीय सदस्य सुरज फम्बो , मोरङ जिल्ला सभा अध्यक्ष बिकेन बान्तवा, प्रदेश न १ सदस्य खडक स्याबो , कमल गाउँ सभा, चुलाचुली गाउँ सभा , दमक नगर सभा तथा बुद्ध शान्ति गाउँ गभाका नेता कार्यकर्ताहरुको बाक्लो उपस्तिथि रहेको थियो ।
झापाको शिबसताक्षी नगर पालिका १ झिल्लीले निवासी तामाङको बिहीवार बेलुका ८ बजे दमक स्थित आम्दा अस्पतालमा फोक्सोको समस्याको कारण देहान्त भएको थियो ।सन २०१९ देखि २०२० सम्ममा उहाँ एम एनओ प्रबास सभा कतारको अध्यक्ष भइ काम गर्नु भएको थियो । १ श्रीमति र २ छोरा रहेको स्याबो तामाङको बौद्ध परम्परा अनुसार शुक्रबार नै दाहसंस्कार गरिएको छ ।
Copyright © 2020 Mongol Vision. All Rights Reserved.
Powered by : Dradtech Technology