mongolvision | 24 जनवरी 2022
मोरङ/ मंगोल नेशनल अर्गनाइजेशन पथरीशनिश्चरे नगरसभाको आयोजनामा पथरीशनिश्चरे-१ स्थित पथरी बजारमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम पथरीशनिश्चरे नगरसभाका अध्यक्ष पुनम साम्पाङ राईको सभाध्यक्षतामा एवं एम. एन. ओ. केन्द्रिय सदस्य सुरज फोम्बोको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथिहरु १ नं. प्रान्तीय सभा सदस्यहरु शिव कुमार राई र सोम बल तामाङ रहनुभएको थियो भने अतिथिहरुमा मोरङ जिल्ला सभा अध्यक्ष विकेन वान्तवा, जिल्ला सदस्य डम्बर बल तामाङ रहनुभएको थियो ।
कार्यक्रममा उपस्थित लोक समुदायहरुलाई प्रमुख अतिथि फोम्बोले मंगोलवाद सम्बन्धी प्रशिक्षण प्रदान गर्नुभएको थियो । कार्यक्रमलाई सम्बोधन गर्दै उहाँले अबको समय आफ्नो हक, अधिकार र अस्तित्व प्राप्तिको लागि चुनाव चिन्ह कुखुराको भालेमा मतदान गर्न आव्हान गर्नुभयो । नगरसभाका पदाधिकारीहरु लगायत स्थानीय लोक समुदायहरुको उपस्थितिमा सम्पन्न उक्त कार्यक्रममा नगरसभाका सल्लाहकार बिक्रम फेम्बुले स्वागत मन्तव्य राख्नुभएको थियो भने सचिव रामचन्द्र गुरुङले कार्यक्रम सञ्चालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology