Pradiksha Mongol | 21 फेब्रुअरी 2020
बागमती प्रदेश, रसुवा/ मंगोल नेशनल अर्गनाइजेशन जिल्ला सभा रसुवाको आयोजनामा नौकुण्ड गाउँपालिका वडा नम्बर छ स्थित सेमजोङ प्राथमिक विद्यालयको सभा हलमा मिति 21 फेब्रुअरी 2020 मा एकदिने बृहत मुलबासी मंगोल विषयक प्रशिक्षण युनिसा तामाङको सभाध्यक्षतामा केन्द्रीय सर्वोच्च सभा सदस्य रिन्छेन दोर्जे तामाङ ज्युको प्रमुख आतिथ्यतामा सम्पन्न भएको छ।
उक्त प्रशिक्षण कार्यक्रममा तामाङले सन्सारमा छ वटा सोच र तीन वटा विचार मध्ये दुई वटा उच्च कोटीको सोच र सबै भन्दा उपयुक्त नवउदारवादको विचार, सिद्धान्तलाई एमएनओले अंगीकार गरेको र एमएनओलाई अन्तरगहिराइमा गएर बुझ्नको निमित्त आह्वान गर्नुभएको थियो ।
त्यसैगरी विशेष अतिथि केन्द्रीय सदस्य मेन लामाले एमएनओ र बुद्ध दर्शनले सबैमा समानता, स्वतन्त्रता र भातृत्व कायम गर्ने कुरालाई जोडदिनु भएको थियो भने अतिथि बागमती प्रदेश सदस्य कर्म तामाङले कार्यकर्तालाइ अनुशासित र संयमित भएर अघि बढ्न प्रेरित गर्नु भएको थियो त्यसैगरी अतिथी जिल्ला सभाको सदस्य विकास तामाङले आधारभूत प्रशिक्षणको महत्व र आवश्यकता झल्काउनु भएको थियो भने ओम सिङ तामाङले स्वागत मन्तव्य राखेका उक्त प्रशिक्षण कार्यक्रम प्रदिक्षा तामाङले संचालन गरेकि थिइन् ।
Copyright © 2020 Mongol Vision. All Rights Reserved.
Powered by : Dradtech Technology