Dilip Dhimal | 14 मार्च 2019
काठमाण्डौ/ मंगोल नेशनल अर्गनाइजेशन रसुवा जिल्ला सभाका अध्यक्ष किशोर गोले तामाङलाई संगठनले ६ महिनाको निम्ति अध्यक्ष पदबाट निलम्बित गरेको छ । मंगोल नेशनल अर्गनाइजेशन प्रदेश नम्बर तीन सभाले एक विज्ञपति जारी गर्दै अध्यक्ष तामाङलाई अध्यक्ष पदबाट निलम्बन गरेको जनाएको छ । रसुवा जिल्ला सभाका अध्यक्ष किशोर गोलेको श्रीमती माया तामाङले 26 जनवरी 2019 का दिन संगठनको केन्द्रीय कार्यलयमा आफू र आफ्ना १५ महिनाको छोरालाई विचल्ली पारेको र आफुलाई न्याय मिलाई दिन भन्दै उजुरी गरेपछि प्रदेश सभाले निज तामाङलाई यस बारेमा अनुसन्धान गर्नुपर्ने भएकोले कार्वाही गरेको विज्ञप्तीमा उल्लेख गरेको छ ।
संगठनको विधान धारा १० को उपधारा ४ च, ज अनुसार तामाङको व्यवहारले संगठनलाई आँच आउने भन्दै धारा १० को उपधारा १ घ अन्तर्गत उनलाई 26 फेब्रुअरी 2019 देखि ६ महिनाको लागि निलम्बित गरिएको प्रदेश नम्बर तीन सभाका अध्यक्ष लाक्पा तामाङ र सचिव राजेन्द्र तामाङद्वारा जारी विज्ञप्तीमा उल्लेख गरिएको छ ।
Copyright © 2020 Mongol Vision. All Rights Reserved.
Powered by : Dradtech Technology