mongolvision | 18 जनवरी 2022
रसुवा/ मंगोल नेशनल अर्गनाइजेशन जिल्ला सभा रसुवाको आयोजनामा नौकुण्ड गाउँपालिका -३ स्थित पार्च्याङमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम एम. एन. ओ. जिल्ला सभा रसुवाका अध्यक्ष विकास तामाङको सभाध्यक्षतामा एवं एम. एन. ओ. केन्द्रिय सदस्य रिन्छेन तामाङको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथि वागमती प्रान्तीय सभाका सहसचिव कर्म तितुङ रहनुभएको थियो भने अतिथिमा जिल्ला सदस्य सुरेन्द्र तामाङ रहनुभएको थियो । कार्यक्रममा उपस्थित लोक समुदायलाई प्रमुख अतिथिले प्रशिक्षण प्रदान गर्नुभएको थियो । कार्यक्रमकै दौरानमा सोनम घलेको अध्यक्षतामा १७ सदस्यीय नौकुण्ड -३ वडा सभा गठन गरिएको छ ।
Copyright © 2020 Mongol Vision. All Rights Reserved.
Powered by : Dradtech Technology