mongolvision | 2 मार्च 2022
संखुवासभा / मंगोल नेशनल अर्गनाइजेशन संखुवासभा तदर्थ जिल्ला सभा गठन भएको छ ।
१ मार्च २०२२ का दिन मंगोल नेशनल अर्गनाइजेशन १ नं. प्रान्तीय सभाका अध्यक्ष भाष्कर चाम्लिङको सभाध्यक्षतामा एवं संगठनका केन्द्रिय प्रचारप्रसार सचिव मणि पापोको प्रमुख आतिथ्यतामा सम्पन्न एक प्रशिक्षण कार्यक्रम बिच एम. एन. ओ. संखुवासभा तदर्थ जिल्ला सभा गठन भएको हो । कार्यक्रममा मंगोल अनलाईन टिभीका पत्रकार अर्जुन लोवाको पनि आतिथ्यता रहेको थियो ।
कार्यक्रममा अर्जुन लोवाले मानव उत्पत्ति, अस्तित्व र पहिचान लगायतका विषयमा प्रशिक्षण प्रदान गर्नुभएको थियो । कार्यक्रममा प्रमुख अतिथि पापोले एम. एन. ओ. को राजनैतिक धारणा र उद्देश्यको बारेमा उपस्थित लोक समुदायहरुमा प्रष्ट्याउनुभएको थियो । उहाँले अबको समय मूलबासी मंगोलहरु आफ्नो हक, अधिकार र अस्तित्व प्राप्तिको निमित्त मंगोल नेशनल अर्गनाइजेशनमा आवद्ध हुनुपर्ने कुरामा जोड दिनुभयो ।
कार्यक्रमकै बीच प्रदेश राईको संयोजकत्वमा १४ सदस्यीय एम. एन. ओ. संखुवासभा तदर्थ जिल्ला सभा गठन भएको हो । सचिव, कोषाध्यक्ष, सहसचिव र प्रचारप्रसार सचिवमा क्रमश: आयुस्मा गुरुङ, इन्द्र गुरुङ, गणेश गुरुङ, माया गुरुङ रहनुभएको छ । त्यसैगरी सदस्यहरुमा टंक कुमार गुरुङ, रानु गुरुङ, चन्द्रकला गुरुङ, ममता गुरुङ, टंक बहादुर गुरुङ, सुनित गुरुङ, सुनिल राई, जानुका गुरुङ र सुर्य बहादुर तामाङ रहनुभएको छ ।
Copyright © 2020 Mongol Vision. All Rights Reserved.
Powered by : Dradtech Technology