mongolvision | 8 मार्च 2022
सिन्धुली/ सिन्धुली जिल्ला अन्तर्गत पर्ने फिक्कल गाउँपालिकाको वडा नं. ६ स्थित तीनखण्डे फुटबल प्राङ्गणमामा मूलबासी मंगोल विषयक प्रशिक्षण साथै वडा सभा गठन कार्यक्रम सम्पन्न भएको छ ।
५ मार्च शनिबारका दिन सम्पन्न उक्त कार्यक्रम स्थानीय मंगोल समर्थक प्रेम बहादुर राईको सभाध्यक्षतामा एवं एम. एन. ओ. सिन्धुलीका अध्यक्ष शान्त वीर लामाको प्रमुख आतिथ्यतामा सम्पन्न भएको थियो । कार्यक्रममा एम. एन. ओ. ओखलढुंगाका अध्यक्ष बजेन्द्र अम्बुले राई हुनुहुन्थ्यो र अतिथ खोटाङ नगर सभाका अध्यक्ष ईन्द्र अम्बुले राई रहनुभएको थियो ।
कार्यक्रममा विशिष्ट अतिथिद्वय इन्द्र राई, बजेन्द्र राईले मन्तव्य राख्नुभएको थियो भने प्रमुख अतिथि शान्त वीर लामाले अबको आउने निर्वाचनमा चुनाव चिन्ह भालेमा मतदान गर्न सम्पूर्णमा आव्हान गर्नुभयो । कार्यक्रमकै बिच प्रेम बहादुर राईको अध्यक्षतामा ३४ सदस्यीय फिक्कल-६ वडा सभा गठन भएको छ । स्थानीय लोक समुदायहरुको सौहार्दपूर्ण उपस्थितिमा सम्पन्न उक्त कार्यक्रम बुद्ध राईले सञ्चालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology