ओखलढुंगा / मंगोल नेशनल अर्गनाइजेशन ओखलढुंगा जिल्ला सभा अन्तर्गत सुनकोशी गाउँपालिका वडा नं. २ स्थित लुकुवामा सम्पन्न एक प्रशिक्षण कार्यक्रम बिच एम. एन. ओ. सुनकोशी-२ वडा सभा गठन भएको छ । 
उक्त कार्यक्रम  स्थानीय मंगोल समर्थक टेक बहादुर तामाङको सभाध्यक्षतामा एवं संगठनका ओखलढुंगा जिल्ला सभा अध्यक्ष बजेन्द्र राईको प्रमुख आतिथ्यतामा सम्पन्न भएको थियो । कार्यक्रममा विशिष्ट अतिथिमा मानेभञ्ज्याङ गाउँसभा अध्यक्ष बिर्ज बहादुर थापा मगर रहनुभएको थियो भने अतिथिमा प्रवास सभा मेघालयका पूर्व अध्यक्ष मिता मोक्तान रहनुभएको थियो । 
कार्यक्रमलाई सम्बोधन गर्दै प्रमुख अतिथि राईले अबको समय मूलबासी मंगोलहरुले आफ्नो अस्तित्व र अधिकार प्राप्तिसंगै मुलुकको दिगो शान्ति र विकासको निमित्त मंगोल नेशनल अर्गनाइजेशन एकमात्र विकल्प भएका कारण आगामी चुनावमा भाले चिन्हमा मतदान गर्न सबैमा आव्हान गर्नुभयो । टेक बहादुर तामाङकै अध्यक्षतामा २५ सदस्यीय वडा सभा गठन भएको छ ।