Mongol Vision News | 19 जूलाई 2019
काठमाडौं/ देश लोकतन्त्र धर्मनिरपेक्ष र प्रान्तीय होमिए लगतै देश र समाजमा खलल पुर्याउने घटना दोहोरी रहँदा लोकतन्त्र धराशायी बनाउने कृयाकलाप बढिरहेको छ । कहिले जातीय हिंसामा उक्साउने, कहिले सामाजिक भेदभाव त कहिले धार्मिक सहिष्णुता भड्काउने ! यसैबीच साउन १ गते राती सिद्धार्थ राजमार्ग अन्तर्गत रूपन्देही जिल्लाको तिलोत्तमा नगरपालिका नयाँ मिल स्थित बुटवल भैरहवा सडक खण्डमा राखिएको महामानव सिदाहा बुद्धको मुर्ती आज्ञात समूह द्वारा तोडफोड भएको र यस्तो प्रकृतिको घटना जति निन्दा गरेनी नपुग्ने मंगोल नेशनल अर्गनाइजेशन केन्द्रीय सभाले बताएको छ । यो घटनाले लोकतन्त्र धर्मनिरपेक्ष र प्रान्तीय सरकारम्क मूलुक नेपालकै खिल्ली उडाउने कार्य भएको प्रति मंगोल नेशनल अर्गनाइजेशनले एक प्रेस बिज्ञप्ती जारी गरी घोर भर्त्सना गर्दै सिदाहा बुद्धको मुर्ती तोडफोडको घटना निन्दनीय भएको बताएको छ । घटनाको दोषी उपर गम्भीर छानवीन गरी दोषीलाई कानुनी कठघरामा चाँडो उभ्याई मुलुकमा धार्मिक सहिष्णुता कायम गर्न सम्बन्धि निकाय प्रते मंगोल नेशनल अर्गनाइजेशनले जोडदार आह्वान गरेको छ ।
Copyright © 2020 Mongol Vision. All Rights Reserved.
Powered by : Dradtech Technology