मोरङ/ मंगोल नेशनल अर्गनाइजेशन मोरङ जिल्ला सभाको सक्रियतामा पथरी शनिश्चरे नगर पालिका ३ रदुङ टोलमा एक दिने मंगोलवाद बिषयमा प्रशिक्षण कार्यक्रम सम्पन्न भएको छ ।

    शनिबार फागुन १० गते संगठनका केन्द्रीय सदस्य सुरज फम्बोको प्रमुख आतिथ्यतामा सम्पन्न भएको प्रशिक्षण कार्यक्रममा फोम्बो र मोरङ जिल्ला सभाका सचिव धन राज लिम्बूले संयुक्त रुपमा सहभागीहरुलाई प्रशिक्षण प्रदान गर्नु भयो । सो क्रममा उहाँहरुले मंगोलवाद के हो ? एमएनओले के चाहन्छ र हामी को हौ ? भन्ने बारेमा उपस्थित लोक समुदायहरुलाई बिस्तृत रुपमा अवगत गराउनु भयो । स्थानीय टोलबासीहरुको उल्लेखनीय रुपमा सहभागीता रहेको कार्यक्रम बिजय चाम्लिङको अध्यक्षतामा सम्पन्न भएको थियो भने नगर सभा सचिव बिक्रम फेम्बुले कार्यक्रम संचालन गरेका थिए ।