मोरङ/ मंगोल नेशनल अर्गनाइजेशन पथरीशनिश्चरे नगरसभाको आयोजनामा पथरीशनिश्चरे नगरपालिका वडा नं. ९ स्थित शनिश्चरे बजारमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम एम. एन. ओ.  पथरीशनिश्चरे नगरसभाका अध्यक्ष पुनम साम्पाङ राईको सभाध्यक्षतामा एवं नगरसभाका सल्लाहकार बिक्रम फेम्बुको प्रमुख आतिथ्यतामा सम्पन्न भएको हो । कार्यक्रममा उपस्थित लोक समुदायहरुलाई प्रमुख अतिथि फेम्बुले मंगोलवाद सम्बन्धी प्रशिक्षण प्रदान गर्नुभएको थियो । प्रशिक्षणको दौरानमा उहाँले अबको समय सम्पूर्ण मूलबासी मंगोलहरु मंगोल नेशनल अर्गनाइजेशनमा आवद्ध भएर आफ्नो हक, अधिकार र अस्तित्व प्राप्तिको निमित्त लड्नुपर्ने र आउँदो चुनावमा  कुखुराको भालेमा मतदान गर्नुपर्ने कुरामा जोड दिनुभयो । उक्त कार्यक्रममा नगरसभाका कोषाध्यक्ष गणेश घलेले स्वागत मन्तव्य राख्नुभएको थियो भने सचिव रामचन्द्र गुरुङले कार्यक्रम सञ्चालन गरेका थिए ।