mongolvision | 28 मार्च 2022
तनहुँ / मंगोल नेशनल अर्गनाइजेशन आबुखैरेनी गाउँसभाको आयोजनामा तनहुँको आबुखैरेनी गाउँपालिका वडा नं. १ स्थित रानागाउँमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ ।
उक्त कार्यक्रम एम. एन. ओ. आबुखैरेनी गाउँसभाका कोषाध्यक्ष माया गुरुङको सभाधक्ष्यता एवं संगठनका केन्द्रिय सदस्य प्रविना थापा मगरको प्रमुख आतिथ्यतामा सम्पन्न भएको हो । कार्यक्रममा अतिथिहरु जिल्ला सभा तनहुँका सदस्यहरु कुमार काजी तमु, याम गुरुङ , तुल बहादुर गुरुङ हुनुहुन्थ्यो ।
प्रमुख अतिथि मगरले उपस्थित स्थानीय लोकसमुदायहरुलाई मानव अस्तित्व र लुकाईएका नेपालको असली ईतिहासहरुको बारेमा प्रस्ट्याउँदै बाहुनवाद र हिन्दुवादले अनेकौ जातजातीमा विभाजन गरेको मूलबासी मंगोलहरु आफ्नो साझा घर मंगोल नेशनल अर्गनाइजेशनमा आबद्ध हुन आव्हान गर्नुभयो ।
प्रशिक्षण पश्चात मन बहादुर राना मगरको अध्यक्षतामा ९ सदस्यीय मंगोल नेसनल अर्गनाइजेसन वडा-१ रानागाउँ टोल सभा गठन भएको छ । सदस्यहरुमा क्रमश: भक्त बहादुर राना मगर, जित बहादुर सिन्जाली, शिव राना, माया सिन्जाली, तिल माया राना, रुद्र बहादुर थापा मगर, दिल माया राना र जित बहादुर राना रहनुभएको छ । मंगोल नेशनल अर्गनाइजेशन आबुखैरेनी वडा सभा २ का अध्यक्ष चिज बहादुर गुरुङले स्वागत मन्तव्य राखेको उक्त कार्यक्रम जिल्ला सभा तनहुँका सदस्य याम गुरुङजले सञ्चालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology