काठमाडौं/ मंगोल नेशनल अर्गनाइजेशन लोकतन्त्र, धर्मनिरपेक्ष, प्रान्तीय सरकार र मानवअधिकारको लागि पन्चायतकालदेखी नै बोल्दै लड्दै र सन 1989, 1 जनवरी देखि सांगठनिक रुपमा बोल्दै लड्दै आएको हो ।

देशमा वर्णभेदी नीति र त्यसको अन्त्यको लागि सिद्धान्तमा अडिग बन्दै ८०% अहिन्दू मूलवासी मंगोलहरुको हक अधिकार र अस्तित्वको लागि एमएमओ आज पनि वैचारिक क्रान्तिमा निरन्तर रहेको बेला संगठनको नीति विधानलाई कुल्चेर अराजकता गतिविधिमा लिप्त केही झुण्डले संगठनको बदनाम गराएको र उक्त झुण्डलाई संगठनले पहिलेनै कार्वाही गरिसकेको र उक्त अराजक झुण्डले मंगोल नेशनल अर्गनाइजेशन र डा.गोपाल गुरुङको नाम बदनाम गराउन विभिन्न अराजक गतिविधी गरेको र उक्त गलत कुरा संगठनको नाम जोडेर हचुवाको भरमा देशको चौथो अंग मिडियाले दिग्भ्रमित समाचार सम्प्रेषण गरी गलत प्रचारप्रसार गरी मंगोल नेशनल अर्गनाइजेशन र डा.गोपाल गुरुङ प्रति अन्याय गरेकोले उक्त कुरालाई सच्याई सत्य तथ्य समाचार सम्प्रेषण गरी पत्रकारिताको धर्म चिनाउन यो कदम चाल्न बाध्य भएको प्रवक्ता धिमालले बताउनु भयो । साथै कोशी टप्पु जग्गा अतिक्रमण कार्य गर्ने त्यस्ता अराजक भूमाफिया कानुन हातमा लिनेहरुलाई कडाभन्दा कडा सजाय होस् भनी संगठनले माग गरेको छ भने त्यस्ता अराजक कार्यमा मंगोल नेशनल अर्गनाइजेशनको कुनै संलग्नता नरहेको पनि जानकारी गराउनु भएको छ ।