झापा/ मंगोल नेशनल अर्गनाइजेशन झापा जिल्ला सभाको दमक नगरपालिका दिपेश कुमार राईको अध्यक्षतामा १४ सदस्यीय गठन भएको छ ।

दमक नगरपालिका वडा नम्बर एक स्थित किरात यायोक्खाको भवनको हलमा दिपेश कुमार राईको सभाध्यक्षतामा सम्पन्न भएको कार्यक्रमले उक्त समिती चयन गरेको हो । कार्यक्रममा मंगोल नेशनल अर्गनाइजेशनका केन्द्रीय सभा सदस्य सान मेचेको प्रमुख आतिथ्यता रहेको थियो । झापा जिल्ला सभा अध्यक्ष लासिम हाङ मंगोलले सञ्चालन गरेको उक्त कार्यक्रममा एमएनओ कमल गाउँसभाका अध्यक्ष प्रेम कुमार लिम्बू, सचिव हिजन राई, कोषाध्यक्ष महेस राई, कमल वडा नम्बर ५ का अध्यक्ष रञ्जन राई लगायत चुलाचुली गाउँसभा इलामका सचिव सुन्दर ओजि लिम्बूको पनि उपस्थिति रहेको थियो । नवगठित पदाधिकारीहरुलाई प्रमुख अतिथी मेचेले खदा ओढाई पद तथा गोपनियताको सपथ ग्रहण गराउनु भयो भने कमल गाउँसभा अध्यक्ष, सचिव क्रमशः प्रेम कुमार लिम्बू, हिजन राई र चुलाचुली इलामका सचीव सुन्दर ओजि लिम्बूले शुभकामना मन्तव्य राखेका थिए ।