धादिङ / धादिङको गजुरीमा मंगोल नेशनल अर्गनाइजेशनले एक दिने मंगोलवाद सम्बन्धी प्रशिक्षण कार्यक्रम सम्पन्न गरेको छ ।
  एम एनओ गजुरी गाउँ सभाको आयोजनामा कात्तिक २ गते मंगलबार संगठनका केन्द्रीय सदस्य तथा केन्द्रीय कार्यलय सचिब रिन्छेन तामाङको प्रमुख आतिथ्यतामा उक्त प्रशिक्षण कार्यक्रम सम्पन्न भएको थियो । कार्यक्रम लाई प्रमुख अतिथि तामाङले प्रशिक्षण प्रदान गर्नु भयो  । सो क्रममा उहाले मंगोल दर्शन , एम एनओको उदेश्यको बारेमा प्रष्ट पार्नु भएको थियो । त्यसै मंगोल जनसमुदायहरु एक हुनुको विकल्प नभएको बताउनु भयो । प्रशिक्षण कार्यक्रममा जिल्ला सभा धादिङका अध्यक्ष धर्म राज तामाङ , सल्लाहकार सन्तोष तामाङ , वरिष्ठ जिल्ला सदस्य चमन तामाङ , गजुरी गाउँ सभा अध्यक्ष बुद्धि मान तामाङ लगायतले पनि आ आफ्नो मन्तव्य राख्नु भएको थियो ।
  गजुरी वाड न ४ मा वाड सभाका अध्यक्ष सन्छ तामाङको अध्यक्षतामा भएको मंगोल प्रशिक्षण कार्यक्रममा स्थानीय मंगोल जनसमुदायहरुको उल्लेखनीय सहभागी रहेको थियो । सुनिल तामाङले स्वागत मन्तव्य राख्नु भएको प्रशिक्षण कार्यक्रम लाई सक्त तामाङले संचालन गरेका थिए ।