Mongol Vision News | 3 डिसेम्बर 2019
काठमाडौं/ गत मंसिर १४ सम्पन्न भएको प्रतिनिधि सभा, प्रदेश सभा र स्थानिय सभाको उप निर्वाचनमा भावी सन्ततिको सुरक्षार्थ आफ्नो अमुल्य मत एमएनओलाई मतदान गर्नु हुने सम्पुर्ण मतदाताहरुलाई केन्द्रीय सभाले आज एक प्रेस विज्ञप्ति मार्फत धन्यवाद ज्ञापन गरेको छ ।
सम्पन्न उपनिर्वाचनमा संगठनको तर्फबाट चुनाव लड्नुहुने निडर, निर्भीक, निस्वार्थ, इमान्दार र सिद्धान्तमा अडिग उम्मेदवारहरु प्रती पनि केन्द्रीय सभाले यसै प्रेस विज्ञप्ति मार्फत धन्यवाद व्यक्त गरेको छ । देशमा लोकतन्त्र, धर्मनिरपेक्ष र प्रान्तीयताको जग बलियो भएसी मात्र मंगोलहरुको अस्तित्व, हक अधिकार र मानवअधिकार सुरक्षित हुने भएकोले मंगोलहरुको अस्तित्व, अधिकार मानवअधिकारको निमित्त यो अमुल्य मतले लोकतन्त्रको रक्षा, फासिष्टवादी, साम्राज्यवादी र विस्तारवादिहरुको नितिलाई खबरदारी गरेको छ । यो प्राप्त मत अंक गणितीय रुपमा ठूलो योगफल नभएको तर सैद्धान्तिक रुपमा फासिष्टवादी, साम्राज्यवादि र विस्तारवादिहरुको निम्ति परमाणु रहेको र ८०% अहिन्दू मूलवासी मंगोलहरुले जितिरहेको अवगत गराउँदै देश विदेशमा छरिएर रहनुहुने एमएनओका नेता, कार्यकर्ता तथा समर्थक, शुभेच्छुक, मतदाताहरुलाई कत्ति पनि विचलित, निरास नभई संगठनलाई जोस, उमंग र होसका साथ समर्थन र सहयोग गरि अघि बढ्न केन्द्रीय सभाले आह्वान गरेको छ ।
Copyright © 2020 Mongol Vision. All Rights Reserved.
Powered by : Dradtech Technology