उदयपुर / मंगोल नेशनल अर्गनाइजेशन जिल्ला सभा उदयपुर जिल्ला सभाको  दोस्रो ऐतिहासिक अधिवेशन यही मिति २०७८ चैतको ५ गते सम्पन्न हुने भएको छ । 
 फागुन २२ गतेका दिन जिल्ला सभाका निवर्तमान अध्यक्ष जंग राना मगर को सभाध्यक्षतामा एवं एम. एन. ओ. प्रदेश नं. १का अध्यक्ष भाष्कर चाम्लिङको प्रमुख आतिथ्यतामा सम्पन्न मिटिङले उक्त निर्णय गरेको हो । यस अघि माघको २४ र २५ गते तय भएको अधिवेशन विश्वभर फैलिएको कोभि-१९ को महामारीका कारण स्थगित गर्नुपरेको निवर्तमान अध्यक्ष जंग राना मगरले जानकारी गराउनुभयो । उहाँको अनुसार आगामी  चैत महिनाको ३ गते बन्द सत्र र ५ गते जिल्ला सभा उदयपुरको अधिवेशन सम्पन्न हुनेछ ।