Laasim Hang Mongol | 16 अप्रिल 2019
भद्रपुर/ वर्षौं पछि भद्रपुरको झापा चौक देखि ज्ञाने चौक हुँदै हिमाली केचना जोड्ने कालो पत्रे सडक बनिएको ६ महिना नबित्दै भत्किन थालेपछि भद्रपुर नगरका लोकहरुको सपना बिपनामा परिणत हुन नपाउदै तुहिन थालेको छ । अरू देशको कालो पत्रे सडक बनिएको वर्षौं वर्ष सम्म भत्किने सम्भावना ज्यादै कम हुनेगरे पनि नेपालमा भने बनिएको ६ महिना नबित्दै भत्किनु चरम भ्रष्टचारको प्रतीक रहेको छ । नजिकै रहेको भारतको गलगलियाको कालो पत्रे सडक र झापा चौक हुँदै केचना जोड्ने कालो पत्रे सडकको गुणस्तरमा आकाश पतालको फरक रहेको स्थानिय बासिन्दाले बताए ।
वर्खामा हिडि नसक्नु अवस्थामा हिलाम्मे रहेको कारण वर्षौं देखि सास्ती भोग्दै आएका भद्रपुरका लोकहरु पुन सडक बनिने भएपछि खुशिको उमंग छाए पनि ६ महिना नबित्दै ठाउँ ठाउँमा भत्किन सुरु भएपछि कालो पत्रे सडकमा हुईकिने भद्रपुरका लोकहरूको सपना सपनामै सिमित रहेको छ भने नयाँ अनुहारमा उहीँ पुरानै भ्रष्टाचारको गन्ध आएको छ । भारत सरकारको सहयोगमा निर्माण भएको उक्त सडक खण्ड ६ महिना नबित्दै भत्किन सुरु भएपछी यतिबेला भद्रपुर नगरपालिका सडक मर्मत र टालटुलमै व्यस्त रहेको छ । ताप्लेजुङ देखि झापाको सदरमुकाम चन्द्रगडी हुँदै केचना जोड्ने मेचि लोकमार्ग निर्माणमा भारत सरकारको एक करोड चौवाँलिस करोड सहयोगमा निर्माण उक्त सडक ज्ञानेचौक लगायतको ठाँउहरूमा भत्किन सुरु भएको हो । यसैगरी सहरी विकस योजनाले सिमावर्ती नगर तथा गाउँसभाको लागि भित्री सडक कालो पत्रे निर्माणको लागि भद्रपुर नगरपालिकालाई दुई सय करोड सहयोग गरेको र उक्त सडकहरू भने निर्माणाधीन अवस्थामा रहेका छन् ।
Copyright © 2020 Mongol Vision. All Rights Reserved.
Powered by : Dradtech Technology