फाल्गुन ३, झापा 

मंगोल नेशनल अर्गनाइजेशनका केन्द्रिय सदस्य याम श्रेष्ठ र झापा जिल्ला सदस्य अमृत श्रेष्ठलाई यतिबेला पितृशोक परेको छ । विर्तामोड-१० सैनिक बजार निवासी बुवा तारा बहादुर श्रेष्ठको आज बिहान करिब ८ बजेको समयमा भएको दुखद निधनले मंगोल नेशनल अर्गनाइजेशन सिंगो संगठनलाई यतिबेला स्तब्ध र मर्माहत बनाएको छ । 

२०११ साल असोज ५ गते इलाम जिल्लामा जन्मनुभएका वहाँ सुगर र नशा सम्बन्धी रोगबाट पीडित हुनुहुन्थ्यो । केही दिन अघि मात्रै उपचारको निमित्त वहाँलाई काठमान्डु लगिएको थियो । उपचारको क्रममा पुन झापाको विर्तामोड स्थित बि एन्ड सी मा उपचाररत अवस्थामा वहाँको देहान्त भएको पारिवारिक श्रोतले जनाएको छ । वहाँको यस दुखद निधनले परिवारले एक अभिवावक, शीतल छाहरी गुमाएको साथै समाजले एक कुशल व्यक्तित्वलाई गुमाएको महसुस गरिएको छ । 

शोकको यश दुखद घडीमा वहाँका ३ छोरा/बुहारी, १ छोरी ज्वाइँ , नातानातीनीहरु लगायत सम्पूर्ण शोकाकुल परिवारप्रति मंगोल नेशनल अर्गनाइजेशनले हार्दिक समवेदना साथै मृतक: तारा बहादुर श्रेष्ठ प्रती भावपूर्ण श्रद्धाञ्जली अर्पण गरेको छ ।