छोरी (बिनु) बैदेशिक रोजगारको शिलसिलामा लेवनान गएको सात बर्ष भइसक्यो। बिगत दुई बर्षदेखि सम्पर्कमा आएको छैन। लौन ! नानीहरु के भयो यस्तो, मान्छे छ छैन ?नेटमा फोटो राखेर खोजतलास गरिदिनु पर्यो भनेर मंगोल भिजन कार्यालयमा आमा (मनमाया राई) आउनु भएको भरखर जस्तो लाग्छ।

बिनु स्वदेश फर्के पछि मंगोलमा काम गर्न लगाउनु अब विदेश नपठाउनु भनेर युगपुरुष अमर ड. गोपाल गुरुङज्युले आमा मनमाया लगायत सपरिवारलाई भन्नु भएको रहेछ। फर्केर आएपछि ड. गोपाल गुरुङ ज्युले भने बमोजिम आज्ञालाई शिरोधार्य गर्दै विनुलाई संगठनमा आबद्ध गराउने काम पनि भयो।

घरजम गरेपछि संगठनको काम गर्न सकिंदैन भन्ने कुरा पक्कै होइन, त्यो इच्छा शक्तिमा भरपर्छ भनेर विनुले एकदिन घरजम गर्ने ठुलै निर्णय गरिन। नभन्दै इलाम देउमाई नगरपालिका वार्ड नं 8 आमबोटे बस्ने कमल तामाङसंग 2075 तिर वैवाहिक सम्बन्धमा बांधिन पुगिन।

उता गएर पनि संगठनमा काम गर्दै आफना घर ब्यवहार पनि सम्हाल्दै एवम्रीतले विनुको दिनचर्याहरु बितिरहेको थियो। यो संसारको रीत भनौं या के भनौं बिडम्बना बिचित्रको छ। उनको यहि असार 2 गते अल्पायुमै मृत्यु भएको खबरले मंगोल भिजन परिवार स्तब्ध भएका छौं।

यो दुखद घडीमा शोक सन्तप्त परिवारजनमा धैर्य धारण गर्न सक्ने शक्ति मिलोस् मृतक प्रति हार्दिक-हार्दिक श्रद्धांजलि अर्पण गर्दछौं।