एमएनओ संस्थापक प्रेसिडेन्ट युगपुरुष अमर ड गोपाल गुरुङ ज्युलाई एमएनओको बिरुवा रोपेर हुर्काउनलाई कठिन चुनौतीको सामना गरिरहनु परेको बेला अनिकालको बिऊ बनेर साथ र सहयोग गरि दिनु हुने एमएनओ पुर्ब केन्द्रीय सदस्य मान बहादुर राईको आज बिहान 6:30 बजे निधन भएको खबरले आफु लगायत सिंगो एमएनओ स्तब्ध भएको छ।

युगपुरुष अमर ड गोपाल गुरुङ ज्युले उहाँलाई औंल्याएर संधै भन्ने गर्नु हुन्थ्यो "यो भाई अनिकालमा काम लागेको भाई हो" । आफु सिंगापुर पुलिसमा कार्यरत छँदा त्यहाँका हाकिमहरुले मंगोल शब्द उच्चारण गरेको र उहांलाइ पनि तिमी मंगोल हौ भनी दिएकाले आफु बडो अचम्मित भएको र सिंगापुर पुलिसबाट रिटायर्ड भएर आफनो मुलुक नेपाल फर्किसकेपछि पहिलो झमटमा मंगोलहरुको संगठन खोजी गरेको र एमएनओ भेटेको कुरा राईजीले बारम्बार बताइरहनु हुन्थ्यो .

वहां आजदेखी हामी माझ नरहनु भए पनि वहाँले संगठनलाई दिनु भएको योगदान र सहयोग हाम्रा निम्ति संधै मार्ग दर्शन र प्रेरणाका श्रोत हुनेछ। यस दुखद घडीमा मृतकका शोक सन्तप्त परिवार, आफन्त, नातागोताहरुमा सहन गर्न सक्ने शक्ति मिलोस्। मान बहादुर राईजी तपाईंलाई मेरो र संगठनको तर्फबाट अल बिदाको जै मंगोल स्यालुट टक्राउँदछु। जै मंगोल .