सुनसरी/ मंगोल नेशनल अर्गनाजेशनका बैकल्पिक केन्द्रीय सदस्य प्रेम श्रेष्ठको परिवारलाई समवेदना पत्र हस्तान्तरण कार्यक्रम सम्पन्न भएको छ ।

शनिबार सुनसरीको बराहा नगर पालिका ३ बीच पानीमा रहेको श्रेष्ठको घरमा संगठनका केन्द्रीय प्रवक्ता तथा मंगोल भिजन राष्ट्रिय साप्ताहिकका सम्पादक दिलिप धिमालको नेतृत्वमा केन्द्रीय सदस्यदय सान बहादुर मेचे, सुरज फोम्बो, १ नम्बर प्रदेश सभा अध्यक्ष भाष्कर चाम्लिङ, मोरङ जिल्ला सभा सचिव धन राज लिम्बू , र प्रवास सभा भारत मेघालयका कोषाध्यक्ष दिपेन्द्र राई, मंगोल अनलाइन टिबिका अर्जुन लिम्बू लगायतको टोलीले समवेदना पत्र हस्तान्तरण गरेको थियो । गएको साउन १५ गते बैकल्पिक केन्द्रीय सदस्य प्रेम श्रेष्ठको बुवा रण बहादुर श्रेष्ठको ७६ बर्षको उमेरमा दु:खद निधन भएको थियो । समवेदना पत्र हस्तान्तरण कार्यक्रममा मृतको नाममा १ मिनेट मौन धारण गरिएको थियो भने केन्द्रीय प्रवक्ता धिमालले परिवार जनप्रती सहानुभूति व्यक्त गर्नु भएको थियो ।